Monday, May 7, 2018

നമ്മൾ

നീയാണു ഞാൻ .

ഞാൻ തന്നെ നീ.

നിറക്കൂട്ടുകളുടെ അവസാനിക്കാത്ത വസന്തമാണിവിടെ.

ചുട്ടുപൊള്ളുന്ന ഈ വേനലും ഒരു കവിതയാണ് .

മനസ്സിൽ പെയ്തിറങ്ങുന്ന കവിത

കനൽ

ഇതെന്റെയുള്ളിലെ അണയാത്ത കനൽ...

തലയില്ലാതെ ചിതറിപ്പോയ ചില സ്വപ്നങ്ങളുടെ ചായം...

കൊടുത്ത വേദനകൾക്കു കാലം കരുതിയ പ്രതികാരം .

ഞാൻ

ഈ വേനലിലുരുകിയതെന്റെ കാമ ക്രോധ മോഹങ്ങളായിരുന്നു ...

എനിക്കിനിയൊരു മേഘമായാകാശത്തു മേഞ്ഞു നടക്കണം ...

അടുത്ത വർഷക്കാലത്തെനിക്കു മഴയയായീമണ്ണിൽ ലയിക്കണം ...

പിന്നെയൊരു മരമായി വളരണം ...

നല്ല ഫലമുള്ളൊരു വന്മരം ...

കിളികൾക്കു കൂടു കൂട്ടുവാൻ ...

മനുഷ്യനു തണൽ കൊടുക്കാൻ ...

പിന്നീടു കടപുഴകിവീണീമണ്ണിലലിഞ്ഞു ചേരണം ...

വീണ്ടുമൊരു പുനർജന്മത്തിനായി ..

Thursday, May 25, 2017

സ്നേഹം

ഞാൻ തോറ്റു പോയത് ....
തോറ്റു കൊടുത്തത് ....
ഞാൻ ചതിക്കപ്പെട്ടത് ....

എല്ലാം സ്നേഹത്തിന്റെ പുറത്തായിരുന്നു ..

Saturday, March 4, 2017

ശാപം

ഞാനാൽ വേദനിപ്പിക്കപ്പെട്ടവരുടെ ശാപവാക്കുകളുടെ ശ്മാശാനമാണിന്നെന്റെ ഹൃദയം ...

Monday, January 16, 2017

ഹൃദയം

കണ്ണിലെ കാഴ്ചകൾ മറഞ്ഞാലും ഹൃദയത്തിൽ പതിഞ്ഞ ചില കാഴ്ചകൾ ഒരിക്കലും മറഞ്ഞു പോകില്ല ..
അതവിടെ തന്നെ കാണും ആ ഹൃദയം
നിലക്കുന്ന വരേക്കും .......

Sunday, January 15, 2017

നഷ്ടം

എന്റെ നഷ്ട്ടങ്ങളുടെ കണക്കു പുസ്തകത്തിലെ ഏറ്റവും വലിയ അക്കമാണു നീ

Friday, December 23, 2016

ഇന്നലെകൾ

ഞാനെന്നോ കണ്ടുമറന്നൊരു പകൽക്കിനാവാണു നീ ...

അരങ്ങിലാടിത്തീർന്ന കഥ പോലെ ...

ഇന്നലെകളിൽ പെയ്തൊഴിഞ്ഞ മഴ പോലെ ...

ജീവനില്ലാത്ത നിഴൽ ചിത്രം പോലെ ...

മനസ്സിനുള്ളിലടക്കം ചെയ്‌തൊരോർമ്മ മാത്രമാണു നീ ...

Saturday, December 10, 2016

അ .. അമ്മ

ശൈശവത്തിൽ അവളെന്റെ പരിചാരികയായിരുന്നു
ബാല്യത്തിൽ അവളെന്റെ കളിക്കൂട്ടുകാരിയായിരുന്നു ...
അധ്യയന നാളുകളിൽ അവളെന്റെ ഗുരുവായിരുന്നു ...
രോഗപീഡ കാലങ്ങളിൽ അവളെന്റെ ഭിഷ്വഗരിയായിരുന്നു...
തിരിച്ചറിവിന്റെ നാളുകളിൽ അവളെന്റെ വഴികാട്ടിയായിരുന്നു ....
സന്തോഷങ്ങളിലും സന്താപങ്ങളിലും അവളെന്റെ ഉറ്റമിത്രമായിരുന്നു ...
അതേ... എല്ലാറ്റിലുമുപരി അവളെന്റെ അമ്മയായിരുന്നു

ഗൃഹാതുരത്ത്വം

ഇടവഴിയിലെ ചെമ്മൺ പുതഞ്ഞ കരിയിലകൾ താണ്ടുമ്പോൾ...

മുളങ്കാട്ടിലെ തണലിൽ കൂട്ടുകാരുമൊത്തു കളിക്കുമ്പോൾ...

കൊയ്ത്തൊഴിഞ്ഞ പാടങ്ങളിൽ വേനലവധികളാടിത്തിമിർക്കുമ്പോൾ...

സായാഹ്നങ്ങളിൽ നീല ജലാശയത്തിലേക്കു മുങ്ങാങ്കുഴിയിടുമ്പോൾ...

വീട്ടിൽ വൈകിയെത്തിയതിന്റെ വഴക്കു കേൾക്കുമ്പോൾ ...

ഇടവപ്പാതികൾ നനഞ്ഞാർമ്മാദിക്കുമ്പോൾ ...

ഇതെല്ലാമൊരിക്കൽ വെറുമൊരോർമ്മയിൽ ചുരുങ്ങുമെന്നതറിയില്ലായിരുന്നു ......